هجرة الصيادلة إلى استراليا: خطوة 9 – AHPRA

تنبيه: نحن لا نقدم نصائح قانونية. الموقع و مرفقاته هى خلاصة خبرة شخصية لصيادلة خاضوا تجربة الهجرة بدون اللجوء الى محامى او مكاتب هجرة. جميع المواقع الرسمية لكل الخطوات ستكون متاحة ليمكنك مراجعتها فى أى وقت. لكن وجب التنبيه ، اذا وجدت أنك لا تستطيع أن تقوم بهذه الخطوات بنفسك ، برجاء الإستعانة بمحامى أو مكتب هجرة

بعد ما قرأت الأجزاء السابقة من سلسلة هجرة الصيادلة إلى استراليا ، و فى الجزء السابق عرفت طريقة عمل الكشف الطبى و البايومترك بعد التقديم على الفيزا ، و حاليا فى انتظار الحصول على الفيزا ، ال

Grant

فى المقالة دى هكلمكم عن الحاجات اللى محتاج تعملها علشان تبدأ فترة تدريبك كصيدلى ، فترة ال

Internship

فى استراليا ، هقولكم الخطوة دى تعملها امتى ، ايه الأوراق المطلوبة ليها ، و تكلفتها كام و تفاصيل تانية

التسجيل لل AHPRA

ايه هى الأبرا؟

AHPRA = Australian Health Practitioner Regulation Agency

دى الجهة اللى لازم تسجل فيها علشان تبدأ مشوارك كصيدلى فى استراليا

يعنى تقدر تعتبرها زى وزارة الصحة فى مصر

و دا الموقع الرسمى للأبرا

و هنا معلومات عن طريقة التسجيل للأبرا فى الموقع الرسمى

بسجل فيها امتى؟

ممكن تسجل فيها فى أى وقت ، لكن الأفضل بعد الجرانت للفيزا

لأن الأبرا بتستلم ورقك و ردهم بالموافقة عليك بيكون فى خلال شهر لشهرين و مؤخرا وصلت لشهرين و نصف

و بعد موافقتهم بيكون ليها تاريخ صلاحية 3 شهور لازم توصل استراليا خلالهم علشان تبدأ ال

Internship

لكن يمكن مد الصلاحية ل 6 شهور

فموضوع التسجيل للأبرا مرتبط أكتر بالتاريخ المتوقع لسفرك إلى استراليا

تحضير الأوراق المطلوبة للتسجيل فى الأبرا

أوراق محتاجة توثيق Notary Public

الباسبور أول صفحتين

خد بالك تانى صفحة المفروض بيبقى فيها توقيعك

شهادة التخرج باللغة الإنجليزية

ملاحظة: لو الشهادة باللغة العربية هتحتاج تترجم

NAATI

وبعدين توثق الأصل (و فى زملاء اتطلب منهم توثيق الترجمة كمان)

ترجمة الناتى المعروفة فى مصر: سلمى عشماوى

رقم الموبايل 01001704452

Transcript

بتاع صيدلة و علوم (لو درست سنة فى علوم)

KAPS Letter

Proof of Identity

دى كانت خطوة منفصلة بنعملها بعد الوصول الى استراليا بس فى 2024 الموضوع دا اتغير و حاليا ممكن تعملها و انت خارج استراليا ، بتضيف مستندين اثبات شخصية زيادة من الصورة دى و محتاجين توثيق زى ما مكتوب فى الموقع الرسمى - اقرأ على موقع الابرا هنا

مثلا البطاقة و رخصة القيادة - فى الحالة دى بيتم توثيقهم الأول ثم ترجمتهم ترجمة

NAATI

و المترجم بيختم على الورقة الموثقة و الترجمة و يمضى و يكتب التاريخ

أو شهادة الميلاد أو عقد الزواج او الفيزا

و بعد الوصول بتملأ فورم اسمه

POIA-00

و بترفعه زى ما مكتوب على الموقع الرسمى

تحديث مهم: رجاءا مراجعة الموقع الرسمى .. الخطوة دى بقت اسهل كتير من الأول لأن بقى ممكن تقدم كل حاجة و يوصلك ترخيصك

Provisional Pharmacist

قبل وصولك استراليا و بالتالى ممكن تبدأ شغل انترن لما توصل ، لكن زى ماقولنا قبل كدا انصح انك تعمل خطوة الابرا بعد حصولك على الفيزا

أماكن التوثيق المعروفة فى مصر

فاضل فوزى: دا مكتب فى القاهرة حاليا بيوثق الورقة ب 600 جنيه ، و تقدر تبعتلهم على الإيميل أو الواتس آب ، و تدفع

PayPal

رقم الموبايل: 01005298720

email: [email protected]

بريطانيا: دا مكتب فى الإسكندرية ، حاليا بيوثق الورقة ب 250 جنيه ، و تقدر تبعتلهم على الواتس آب ، و ممكن تدفع فودافون كاش و فى طرق تانية للدفع

رقم الموبايل: 01210504674

و أوراق مش محتاجة توثيق

PTE Result PDF

بنرفع الملف اثناء التقديم + بنبعته مباشرة من موقع ال

PTE to AHPRA

هنشوف ازاى كمان شوية

APRO-60 Form

و هنشوف بنملاه ازاى كمان شوية

CV

و دا ليه طريقة معينة هتشوفوها

International criminal history - AIS

فيش دولى ، و بردو هنشوف بيتعمل ازاى بالتفصيل

و شهادة حسن سير و سلوك باللغة الإنجليزية من النقابة

و دى بتطلب من النقابة تبعتها مباشرة للأبرا ، انت مش بترفعها مع الملفات

هنشوف بالصور فى المقالة دى كل الخطوات دى بتتعمل ازاى

ازاى املى فورم Apro-60

أول حاجة بتعملها بتنزل الفورم من الموقع الرسمى: من هنا

و بعدها بتطبعه الوان ، وبعدين بتملى البيانات بخط الإيد بقلم أزرق و بحروف

UPPERCASE

و بعد ما تخلصه بتعمله

Scan

و تدمجه فى

PDF

بنفس ترتيب الأوراق طبعا

هنشوف دلوقتى بالصور ازاى نملى فورم أبرو-60

اضغط على الصورة علشان تشوفها بحجمها الطبيعى لو مش واضحة

أول صفحة تعليمات فقط هتقرأها

ملاحظة: أغلبنا هيكون نفس الإجابات

صفحة رقم 2 ، هتكتب بياناتك

صفحة رقم 3 ، هتختار فى سؤال رقم 3

Yes

و هنبقى نرفع صفحتين الباسبور الموثقين فى ملف واحد

صفحة رقم 4 ، هتكتب رقم الموبايل و تعلم جنبه ، و الإيميل ، و عنوانك و هتأكد فى سؤال 7 و 8 على عنوانك

صفحة رقم 5 ، هتكتب بيانات الجامعة و بيانات امتحان الكابس

و هنبقى نرفع الدليل على اجاباتنا هنا زى ماقولنا

شهادة التخرج و الترانسكريبت و شهادة الكابس الموثقين

صفحة رقم 6 ، هتكتب بيانات رخصة مزاولة مهنة الصيدلة و تاريخ بداية الرخصة

بالنسبة لتاريخ نهاية الرخصة ، كتبت فيه تاريخ انتهاء كارنيه النقابة

و هنا شهادة حسن سير و سلوك الإنجليزى اللى هتبعتها النقابة بشكل مباشر للأبرا هتكون الدليل على اجابتنا

صفحة رقم 7 ، هتعمل ال

International Criminal History

و هنقول تفاصيله كمان شوية ، و هتكتب جنبه رقم ال

Check reference number

و هنبقى نرفع ال

Check reference page

صفحة رقم 8 ، هتكتب بيانات عن امتحان اللغة الإنجليزية

الأبرا بتحتاج

Proficient English

يعنى 65 فى ال 4 أجزاء لو امتحنت

PTE

أو ما يقابلها فى الإمتحانات التانية اللى اتكلمنا عليها فى مقالة سابقة

لو امتحنت امتحانين خلال 6 شهور و كل امتحان فى جزء فيه اقل من 65 ، لكن لو ضميت الإمتحانين مع بعض هتكون ال 4 أجزاء 65 ، دا هيكون مقبول بالنسبة للأبرا

بتضيف بيانات الإمتحانين

صفحة رقم 9 ، هتختار اسم الإمتحان ، و تكتب بياناته

و هنبقى نرفع نتيجة الإمتحان كدليل على الجزء دا ، و هنبعته كمان مباشرة من موقع الإمتحان زى ما هنشوف كمان شوية

صفحة رقم 10 ، هتقرا الأسئلة و تعلم على الإجابة المناسبة

صفحة رقم 11 و 12 ، هتقرأ ال

Declarations

و توقع و تكتب اسمك و التاريخ

صفحة رقم 13 ، هتشوف سؤال 26 و 27

و من بعدها لحد صفحة 18 مش هتملى حاجة لأنها بيانات ليها علاقة بال

Supervised Practice

تكلفة التسجيل للأبرا

صفحة رقم 19 ، أغرب حاجة هتعملها فى حياتك ، هتكتب تكاليف الأبرا حاليا فى 2022 المبلغ المطلوب 366 دولار استرالى ، و خد بالك بتختلف من سنة لسنة ، و تحت هتكتب بيانات كارت البنك بتاعك و توقع

و هم فى خلال 5 أيام بيسحبوا المبلغ المكتوب بدون تدخل منك

صفحة رقم 20، هتعلم على الملفات اللى المفروض ترفعها دليل على كل بياناتك اللى كتبتها

و كدا خلاص تبقى خلصت

Apro-60 form

ازاى اعمل فيش دولى

من الأوراق المطلوبة للتقديم للأبرا الفيش الدولى زى ماقولنا ، بنقدم عليه ازاى؟

أول حاجة تدخل على الموقع الرسمى هنا

و تختار أى حاجة من الأتنين ، لكن اغلب الناس بتعمل

AIS International

هتعمل

Yes I agree, then Begin My Application

هتملى بياناتك و هيوصلك كود على الموبايل هتستخدمه فى التسجيل

اكتب ايميلك و الكود اللى وصلك على الموبايل

أنا هنا اخترت

No thanks, continue with AIS

هتختار بلدك و أى بلد عيشت فيها 6 شهور أو اكتر بعد ما عديت 18 سنة

و تكلفة الفيش الدولى هتبقى مكتوبة قدامك ، فى حالتى كانت حوالى 160 دولار استرالى

الخطوة اللى بعدها بتعمل

Add

و تكتب عناوينك

الخطوة اللى بعدها ماتعملش فيها حاجة ، دى لو عندك

Previous names

الخطوة اللى بعدها هترفع الباسبور ، هتعمل

Add

هتختار

Passport (Private)

و تكتب رقم الباسبور و تختار بلدك و تكتب اسم العائلة (الإسم الأخير فى الباسبور) ، و ترفع الباسبور

هتلاقيه اتكتب عندك زى الصورة كدا

الخطوة اللى بعدها ملف هتمضيه ، اختار

eSign

هتطلع صفحة صغيرة ، اضغط على

PleaseSign eSign Form

هتطلع صفحة تانية

Click to Proceed

هيفتح ملف صفحتين المفروض توقع فى الصفحتين ، اضغط على الزرار

PleaseSign

اختار توقيع من اللى هيظهر و اعمل

Adopt Signature

بعدها على اليمين فوق اضغط على

Click to Finish

هترجع للصفحة الأساسية هتلاقى الملف اتضاف

ممكن تدفع بالكارت أو باى بال ، اختار اى حاجة

بعد مراجعة البيانات و دفع المبلغ هتلاقيه كتبلك ان الدفع تم

غالبا تانى يوم هيوصلك ال

AIS Reference Page

و دا اللى هتبقى ترفعه اثناء التسجيل للأبرا

و الرقم اللى أوله

AIS

دا اللى بتكتبه فى صفحة 7 فى

Apro-60 Form

ايه شكل ال CV

السيرة الذاتية أو ال

CV

بيتكتب بصيغة معينة للأبرا ، أهم حاجة فيه ماتسيبش فراغات من وقت التخرج لحد الآن ، لو فى فراغات لازم تفسر سببها

و بعد ما بتخلص كتابته بتطبعه و بتمضى عليه بإيدك ، و بعدها تعمله

Scan

طريقة التقديم و رفع الأوراق للأبرا

كدا المفروض ورقك كامل و جاهز للرفع على الأبرا ، أول حاجة تدخل على الموقع الرسمى

من هنا ، هتضغط على

Upload Now

هتختار

I don't have a login

هيفتحلك صفحة تعمل حساب ، اظن بقينا محترفين فى الموضوع دا

بعد ما تعمل الحساب و تفعله ، هتدخل على

Upload Now

تانى ، هيفتح الصفحة دى ، تعمل

Next

تختار زى الصورة ، فى أول اختيار

Pharmacy

و فى التانى

APRO

و تضغط على

Yes

و تضغط على

Upload New

هيفتح صفحة صغيرة ، اعمل

Choose File

و اختار فورم ابرو-60 من على الكمبيوتر ، و اعمل ابلود

بعد ما ابرو-60 يترفع ، هتعمل

Yes

على السؤال دا ان فى ملفات تانية ، الإثباتات اللى قولنا عليه

و تبدأ ترفعهم واحد واحد

اكتب فى ال

Description

اسم الملف ، و اختاره من على الكمبيوتر و ارفعه

فى الآخر هيبقى المنظر كدا ، اتأكد ان كل الملفات اللى قولنا عليها فى اول المقالة رفعتها وبعدين اعمل

Submit

هيقولك تمام الملفات اترفعت و هيتبعتلك ايميل بتأكيد الكلام دا

و طبعا زى ما قولنا بتروح النقابة تطلع شهادة حسن سير و سلوك باللغة الإنجليزية موجهة لل

Australian Health Practitioner Regulation Agency (AHPRA)

و تقولهم يبعتوها للأبرا من النقابة ، و تديلهم اسمك بالإنجليزى زى الباسبور بالظبط ، و الإيميل اللى عامل بيه حساب على الأبرا اللى هو ال

User ID

ملاحظة مهمة: موقع الأبرا شكله و تصميمه و طريقة استخدامه اتغيرت شوية لكن هتحتاج تعمل نفس الخطوات و ترفع الأوراق

ازاى ابعت نتيجة امتحان ال PTE

فى خطوة كمان زيادة ممكن تعملها لو امتحنت

PTE

و هى انك تبعت نتيجة الإمتحان من موقع

PearsonPTE

للأبرا مباشرة ، ادخل على حسابك على الموقع ، و ادخل على

My Activity

و تحت الإمتحان اضغط على

Send Score

فى الصفحة اللى هتفتح اختار استراليا ، و اكتب

ahpra

فى اخر اختيار و اعمل

Search

هتلاقيها ظهرت تحت ، اختارها و اضغط على

Select Programmes

هتطلع صفحة تأكيد ، اعمل

Next

هتطلع صفحة تانية ، اعمل

Submit Order

هيأكد عليك ان العملية تمت و هيتبعتلك ايميل بتأكيد الأوردر

ملخص المقالة

اتكلمنا النهاردة عن الحاجات التسجيل للأبرا علشان تبدأ حياتك كصيدلى تحت التدريب فى استراليا ، اتكلمنا عن الأوراق المطلوبة و ازاى بنقدم على الأبرا

بعد الخطوات دى تنتظر موافقة الأبرا انك تتسجل

Provisional Registration

علشان تقدر تبدأ فترة ال

Internship

كدا جتلك جرانت الفيزا (التأشيرة يعنى) و جتلك موافقة الأبرا

توكل على الله و سافر

المقالة اللى بعد دى هنتكلم على فترة ال

Internship

د. آلاء نصر