هجرة الصيادلة إلى استراليا: خطوة 3 – KAPS Exam

بعد ما قرأت الجزء الأول و الجزء الثانى من سلسلة هجرة الصيادلة إلى استراليا ، و عرفت ازاى بيتم تقييم المهنة لل

Retail pharmacist & Hospital Pharmacist

عن طريق

Australian Pharmacy Council

بعد ما حضرت الورق و قدمت على التقييم المبدأى و دفعت التكاليف و فى انتظار ردهم خلال 8 اسابيع زى ما قولنا فى الجزء اللى فات ، خلال الفترة دى ممكن تبدأ تحضر نفسك لإمتحان التقييم

KAPS Exam (Knowledge Assessment of Pharmaceutical Sciences)

فى المقالة دى هكلمكم عن تفاصيل الإمتحان دا ، الإمتحان بيكون شكله ايه و متقسم لإيه ، بنذاكر علشانه ايه ، بنحجزه امتى و تكاليفه كام ، و تفاصيل تانية

ايه هو امتحان الكابس؟

دا أول امتحان لتقييمك كصيدلى و نجاحك فيه هيديلك الحق انك تبدأ فترة ال 

Internship 

فى استراليا ، طبعا بعد التقديم لجهة تانية هنتكلم عليها فى مقالة تانية

او بمعنى اصح لما تخلصه يبقى كدا عملت ال 

Skill Assessment 

و اللى هتقدمه اثناء تقديمك على الهجرة إلى استراليا ، هتعرف اكتر عن الموضوع دا فى الخطوات اللى جاية

يعنى باختصار دى خطوة اساسية لتقديمك على الهجرة كصيدلى

هل الإمتحان ليه تاريخ صلاحية و بينتهى؟

الإمتحان ليه تاريخ صلاحية 3 سنين من تاريخ نتيجة الإمتحان

ايه مواعيد الإمتحان و بحجز امتى ؟

الإمتحان بيكون متاح 3 مرات فى السنة ، فى كل مرة بيكون متاح 3 أيام ، بتختار أى يوم

طيب هل بتفرق درجة صعوبة الإمتحان فى ال 3 أيام؟ الإجابة لأ. اختار أى يوم متاح عادى ، الميزة الوحيدة لو حجزت تالت يوم هتكون عرفت اللى قبلك جالهم اسئلة ايه

مواعيد الإمتحان على الموقع الرسمى

ملاحظة مهمة: هتلاقى حجز الإمتحان بيبدأ قبل الإمتحان باسبوعين تقريبا زى الصورة دى ، احجز فى أول يوم للحجز و الأفضل احجز "لحظة فتح باب الحجز" ، لاحظ ان 9 صباحا بتوقيت فتح الحجز هى 12 منتصف الليل فى مصر ، احجز بدرى لأن حجز الأماكن بيخلص بسرعة مع اكتمال العدد

بحجز الإمتحان ازاى و بحتاج أوراق إيه ؟

بعد ما بيجيلك موافقة على ال

Initial Assessment

بتفتح الحساب بتاعك على

Australian Pharmacy Council

لما باب حجز الإمتحان يفتح ، هتضغط على 

Register and complete KAPS exam

هتلاقى زرار تدخل تحجز منه الإمتحان

بتحتاج صورة شخصية بخلفية بيضاء بس ، هترفعها اثناء الحجز 

الخطوة اللى بعدها هتختار المكان اللى هتمتحن فيه من الأماكن و المواعيد المتاحة

بعدها خطوة الدفع ، و لو صفحة الدفع مافتحتش فى مصر تعمل زى ما عملت فى الخطوة اللى فاتت

 ايه محتوى الإمتحان ؟

الامتحان بيكون على الكمبيوتر ، و بيكون عبارة عن

2 Papers

كل 

Paper 

فيها 100 سؤال اختيارات و بتحلها فى ساعتين ، يعنى الإمتحانين 200 سؤال فى 4 ساعات

بين كل امتحان و التانى نصف ساعة راحة

محتوى كل امتحان فيهم موجود فى الصورة دى ، معلومات اكتر عن الإمتحان فى الموقع الرسمى

بنذاكر ايه للإمتحان ؟

دا سؤال مهم جدا

نظريا ، ممكن تذاكر

First 14 chapter of CPR (comprehensive pharmacy review) + chapter 58 

+ Lippincott pharmacology 

In addition , use Appleton and Lang review of pharmacy for question practice

يعنى باختصار

CPR + Lippincott Pharmacology

معلومات اكتر عن محتوى الإمتحان فى الموقع الرسمى

لكن عمليا ، الأسئلة بتتكرر فى الإمتحانات بقالها سنين ، فحاليا أغلب الناس بتعتمد على اسئلة الإمتحانات السابقة ، و دى حاجة بيسموها

Recalls

بالإضافة الى مذاكرة ال

Calculations

و دا من كتاب اسمه

APEC

و مسائل

CPR Ch 1, Chapter 5

و اسئلة الكيمياء من

CPR Chapter 2

بالإضافة إلى مذاكرة ملفات تانية بسيطة عن السيوتكس و مواضيع تانية

و فى زملاء بيذاكروا مع بعض على جروب واتس آب 

دا جروب على الفيس بوك تقدر تدخل لو محتاج معلومات أكتر عن الموضوع دا

بيحصل ايه بعد ما بنجح فى الإمتحان ؟

بعد النجاح بيوصلك على الايميل نتيجة النجاح و بعدها بيتبعت كمان

Skill Assessment Letter

و دى اللى بترفعها بإذن الله اثناء التقديم على الهجرة

و هتلاقى فى حسابك فى 

Australian Pharmacy Council

مابقاش تصنيفك فى 

Knowledge Stream

بقيت

Australian intern stream

علشان لما بإذن الله تسافر تعمل

Start your internship journey

و تكمل تدريبك و تمتحن امتحانين (اللى فى الصورة)

Written & Oral

وبعدها تبقى

Registered Pharmacist