تنبيه: نحن لا نقدم نصائح قانونية. الموقع و مرفقاته هى خلاصة خبرة شخصية لصيادلة خاضوا تجربة الهجرة بدون اللجوء الى محامى او مكاتب هجرة. جميع المواقع الرسمية لكل الخطوات ستكون متاحة ليمكنك مراجعتها فى أى وقت. لكن وجب التنبيه ، اذا وجدت أنك لا تستطيع أن تقوم بهذه الخطوات بنفسك ، برجاء الإستعانة بمحامى أو مكتب هجرة
فى الجزء الأول من سلسلة هجرة الصيادلة إلى استراليا ، الخطوة الأولى للهجرة هى انك تعرف معلومات عامة عنها ، علشان كدا فى المقالة دى هنتكلم على حساب النقاط ، و انواع الفيزا المتاحة للصيادلة و الفرق بينها ، و المواقع الرسمية للولايات اللى اقدر اتابعها علشان اعرف اخبار الهجرة.
1. كيفية حساب النقاط للهجرة إلى استراليا:
هجرة الصيادلة إلى استراليا (أو الهجرة الى استراليا بشكل عام) بتعتمد على النقاط ، بمعنى كل سن ليه نقاط معينة ، سنين الخبرة كل ما كانت اكتر النقاط تكون اكتر و هكذا. هنفهم اكتر الجزء دا فى مقالة ال
طيب هنعرف نحسب النقاط منين؟
هتدخل على اللينك دا
هتلاقى على الشمال المجموع الكلى ، بتختار اللى بيناسبك من كل اختيار ، الحد الأدنى للنقاط 65 نقطة
السؤال الأول ، نوع الفيزا:
هنتكلم عن أنواع الفيزا المتاحة للصيادلة بالتفصيل فى المقالة دى ، لكن باختصار الصيادلة مالهومش فيزا 189 ، هنا هتختار فيزا 190 (اقامة دائمة) هتضيفلك 5 نقاط ، أو فيزا 491 (اقامة مؤقتة) و هتضيفلك 15 نقطة.
:السؤال الثانى ، السن
من 18-24 يحصل على 25 نقطة
من 25-32 يحصل على 30 نقطة
من 33-39 يحصل على 25 نقطة
من 40-44 يحصل على 15 نقطة
مافيش فيزا للأسف ل 45 سنة أو أكثر
:السؤال الثالث ، اللغة الإنجليزية
فى اختبارات لغة انجليزية كتير مقبولة للفيزا لاستراليا لكن اسهلهم ال
PTE
بنتكلم على اللغة الإنجليزية بالتفصيل فى مقالة تانية ، تقدر تقرأها من هنا
Competent English: 0 points
Proficient English: 10 points
Superior English: 20 points
:السؤال الرابع، عدد سنين الخبرة خارج استراليا
عدد سنين الخبرة فى بلدك أو أى بلد غير استراليا فى آخر 10 سنين
خبرة 8 سنين أو أكتر: 15 نقطة
من 5 ل 7 سنين: 10 نقاط
من 3 ل 4 سنين: 5 نقاط
أقل من 3 سنين: صفر
:السؤال الخامس، عدد سنين الخبرة فى استراليا
بما ان المقالة دى للناس اللى لسة هتهاجر استراليا بإذن الله يبقى هتختار
Less than 1 year
:السؤال السادس، الدراسة
Bachelor Degree: 15 points
:السؤال السابع، الدراسة فى استراليا
هنختار No
:السؤال الثامن، دراسة فى استراليا تانى
هنختار No
NAATI السؤال التاسع، امتحان
دا امتحان ترجمة ، لكن نادر جدا لو حد اخده. لو امتحنته و نجحت بيضيفلك 5 نقاط
:السؤال العاشر، مؤهلات الزوج\الزوجة
الزوج او الزوجة ممكن يضيفلك 10 نقاط لو اقل من 45 سنة و حاصل على
Competent English
و عامل
Skill assessment
أو ممكن يضيفلك 5 نقاط فقط لو حاصل على
Competent English
لو انت غير متزوج هتحصل على 10 نقاط .. اه والله 😀
:السؤال الحادى عشر، الشغل فى استراليا
اكيد لو لسة هنهاجر يبقى نختار
NO
:النقاط كلها
فى الاخر بعد الاجابة على كل الأسئلة هتلاقى على الشمال ال
Score
و دى هتكون النقاط اللى هتتحسبلك لما تقدم على الولايات
2. أنواع الفيزا المتاحة للصيادلة:
اصلا ايه هى الفيزا؟ علشان الناس اللى عمرهم ما سافروا قبل كدا ، الفيزا دى هى التأشيرة اللى بيها تقدر تدخل استراليا ، و كل فيزا ليها شروط معينة ، و كل فيزا ليها مميزات و عيوب
الأول عايزة اقولك ان استراليا مقسمة الوظايف فى كذا
List
Medium And Long-Term Strategic Skills List (MLTSSL)
Short-Term Skilled Occupation List (STSOL)
الصيادلة مصنفين فى الليست التانية دى
طيب أعرف منين كصيدلى -أو أى مهنة- ايه انواع الفيزا المتاحة ليا فى استراليا؟
هتدخل على
Home Affairs Skill Occupation List
و هتكتب اسم المهنة بتاعتك ، طبعا احنا هنكتب
Pharmacist
هتلاقى ان الصيادلة متقسمين 3 حاجات
251513 Retail Pharmacist
251511 Hospital Pharmacist
251512 Industrial Pharmacist
الأرقام اللى جنب كل مهنة دى حاجة اسمها
ANZSCO code
دا نظام عاملاه استراليا ، كل مهنة ليها كود و ليها انواع فيزا متاحة ليها و ليها جهة تقييم
احنا هنتكلم عن ال
Retail Pharmacist & Hospital Pharmacist
لأن دول معادلتهم واحدة و طريقهم واحد.
انواع الفيزا:
فيزا الهجرة المتاحة للصيادلة هم نوعين
Skilled Nominated (Subclass 190)
و
Skilled Work Regional (Provisional) Visa (Subclass 491)
فيزا 407 و فيزا 494 دول بعقد عمل
Employer Sponsored
و فى الحالة دى الصيدلية اللى عاملالك عقد عمل بتوفرلك محامى يوجهك فى اجراءات الفيزا و يتولى هو المهام الأساسية لحد ما الفيزا تجيلك ، لكن دا طبعا بيكون بمقابل مادى حوالى 3000 دولار استرالى -ممكن اكتر و ممكن أقل- غير مصاريف الفيزا طبعا. مش هنتكلم عن نوع الفيزا دا حاليا
هنتكلم عن نوعين فيزا الهجرة ، مقارنة سريعة بينهم
Visa 190
Visa 491
فيزا 491 تقدر تقيم بيها فى أماكن
Regional
حاليا دا معناه أى مكان فى استراليا ماعدا
Melbourne, Sydney, Brisbane
لكن فيزا 190 تقدر تقيم فى المدن دى أو اى مكان ريجونال فى الولاية اللى رشحتك ، لكن شرط مهم جدا انك لازم تعيش سنتين فى الولاية اللى رشحتك
ملاحظة: الحد الأدنى للنقاط 65 نقطة (شاملة نقاط الترشيح\الفيزا)
طيب هل نوعين الفيزا متاحين و نقدر نقدم عليهم ؟
الإجابة لأ ، دا حسب احتياج الولايات
و دا يودينا للنقطة رقم 3 اللى هنتكلم عليها فى المقالة دى
3. احتياجات و شروط الولايات فى استراليا:
دا بينطبق على أى مهنة ، لما بتيجى تقدم بتشوف احتياجات و شروط كل ولاية ، فى ولايات بتفتح نوعين الفيزا و فى ولايات بتفتح 491 فقط ، فى ولايات بتحتاج سنين خبرة كتير ، و فى ولايات مش بتحتاج خبرة
و احيانا بيطلبوا حد ادنى لعدد النقاط لكل مهنة و احيانا كل ولاية بتعمل
Occupation List
خاصة بيها باحتياجات مختلفة
مع العلم ان الشروط بتختلف من سنة مالية للسنة المالية اللى بعدها. النقطة دى بنتكلم فيها اكتر فى المقالة الخاصة بتقديم ال
طيب اقدر اعرف شروط الولايات منين؟
من المواقع الرسمية للولايات فى استراليا:
State | Official Website |
|---|---|
Victoria | |
South Australia (SA) | |
Western Australia (WA) | |
New South Wales (NSW) | |
Queensland (QLD) | |
Northern Territory | |
Tasmania | |
Canberra |
و فى بردو موقع مفيد جدا تعرف منه الولايات اللى طالبة صيادلة (أو اى مهنة) و أنواع الفيزا المتاحة لكل مهنة
:ملخص كلامنا فى المقالة
فى أول مقالة عن هجرة الصيادلة إلى استراليا اتكلمنا على نظام النقاط و ازاى نحسبها ، أنواع الفيزا المتاحة للصيادلة و الفرق بينهم ، المواقع الرسمية للولايات اللى هنتابع عليها الشروط و الاحتياجات للصيادلة و لأى مهنة
ياريت لو المقالة افادتكم تكتبولى تعليق تحت فى الصفحة دى
و بالتوفيق للجميع
د. آلاء نصر