تنبيه: نحن لا نقدم نصائح قانونية. الموقع و مرفقاته هى خلاصة خبرة شخصية لصيادلة خاضوا تجربة الهجرة بدون اللجوء الى محامى او مكاتب هجرة. جميع المواقع الرسمية لكل الخطوات ستكون متاحة ليمكنك مراجعتها فى أى وقت. لكن وجب التنبيه ، اذا وجدت أنك لا تستطيع أن تقوم بهذه الخطوات بنفسك ، برجاء الإستعانة بمحامى أو مكتب هجرة
بعد ما قرأت الأجزاء السابقة من سلسلة هجرة الصيادلة إلى استراليا ، و فى الجزء السابق عرفت خطوات التقديم لل
AHPRA
و اللى هى خطوة اساسية علشان تبدأ تدريبك كصيدلى فى استراليا ، خلال شهر ل 3 شهور هيوصلك موافقة الأبرا و ترخيصك كصيدلى مؤقت - او صيدلى تحت التدريب
Provisional Pharmacist
فى المقالة دى هكلمكم عن الخطوة اللى بعدها و هى خاصة بال
AHPRA
لكن الخطوة دى بتكون بعد وصولك لاستراليا بالسلامة بإذن الله
AHPRA Proof of identity
دا تعديل حصل من بداية 2024 زى ما عدلت فى المقالة اللى فاتت و اتكلمت عليه .. بعد وصولك بالسلامة بإذن الله هتملى فورم اسمه
POIA-00
و بترفعه للأبرا زى ما مكتوب على الموقع الرسمى - اقرأ هنا
و بعد ما بتلاقى فرصة شغل انترن بتملى فورم تانى انت و الصيدلى اللى هيكون مسؤول عن تدريبك امام الأبرا و الصيدلى اللى مسؤول عن تدريبك دا بيكون اسمه
Preceptor
الفورم اسمه AASP-60 و دا زى ما قولنا انت بتملى جزء منه و الصيدلية بتملى الجزء التانى ، هتكتب بياناتك و بالنسبة للعنوان كتبت عنوان صديقتى بردو ، و تختار الاختيارات زى الصورة كدا (بالمناسبة الفورم دا انت بتعمله upload على موقع ال ahpra زى ما عملنا قبل كدا ، بتختار بردو الاختيارات زى الصور دى ، و ممكن تعمله من و انت فى بلدك قبل ما تسافر لو متفق مع صيدلية او لما توصل ، و فى زملاء كتبوا عنوانهم فى بلدهم مش فى استراليا و ماكانش فى مشكلة)
ملخص المقالة
اتكلمنا النهاردة عن الخطوة التانية للأبرا بعد الوصول علشان تبدأ حياتك كصيدلى تحت التدريب فى استراليا
فى الجزء اللى جى من سلسلة هجرة الصيادلة الى استراليا هتكلم على بداية فترة ال internship و ايه اللى بنحتاجة فيها ، و بالتوازى هبدأ فى سلسلة تانية ان شاء الله عن المعيشة فى استراليا لأن فى ناس كتير طلبوها منى
يارب تكون سلسلة المقالات دى افادتكم ، لو افادتكم تكتبولى تعليق تحت فى الصفحة دى
د. آلاء نصر
