تنبيه: نحن لا نقدم نصائح قانونية. الموقع و مرفقاته هى خلاصة خبرة شخصية لصيادلة خاضوا تجربة الهجرة بدون اللجوء الى محامى او مكاتب هجرة. جميع المواقع الرسمية لكل الخطوات ستكون متاحة ليمكنك مراجعتها فى أى وقت. لكن وجب التنبيه ، اذا وجدت أنك لا تستطيع أن تقوم بهذه الخطوات بنفسك ، برجاء الإستعانة بمحامى أو مكتب هجرة
بعد ما قرأت الجزء الأول و الثانى , و الثالث من سلسلة هجرة الصيادلة إلى استراليا ، و عرفت النقاط و تقييم المهنة المبدأى و امتحان ال
KAPS
الخطوة اللى بعدها اللى محتاجها للتقديم للهجرة ، انك تمتحن امتحان لغة انجليزية
فى المقالة دى هكلمكم عن ايه إمتحانات اللغة الإنجليزية المقبولة للهجرة الى استراليا ، ايه علاقة درجاتك فى الإمتحان بحساب النقاط للهجرة ، ايه اسهل امتحان فيهم و تكلفته كام ، ازاى تذاكر للإمتحان و تتدرب على انواع الاسئلة ، امتحان اللغة الإنجليزية للزوج او الزوجة و علاقته بالنقاط ، و تفاصيل تانية
ايه امتحانات اللغة الإنجليزية المقبولة للهجرة؟
فى امتحانات لغة انجليزية كتير مقبولة للتقديم للهجرة إلى استراليا ، فى الصورة
IELTS, OET, TOEFL iBT, PTE, Cambridge
و طبعا كل امتحان منهم متقسم 4 اقسام
Listening, Reading, Writing, Speaking
و كل درجات لكل امتحان بيقابلها تقييم زى الصورة دى
Functional, Vocational, Competent, Proficient, Superior
طيب عايزين نعرف ايه علاقة التقييمات المختلفة دى بنقاط الهجرة
ايه علاقة تقييم امتحان اللغة الإنجليزية بنقاط الهجرة؟
كل تقييم بيضيفلك نقاط مختلفة
Competent = 0 points
Proficient = 10 points
Superior = 20 points
ايه علاقة امتحان اللغة الإنجليزية للزوج أو الزوجة بنقاط الهجرة ؟
الحد الأدنى لتقييم اللغة الإنجليزية للزوج او الزوجة هو
Functional
و دا مش هيضيفلك اى نقاط ، لكن لازم اجتياز امتحان اللغة الإنجليزية يا إما هتضطر تدفع 5000 دولار لو الزوج او الزوجة ماقدرش ينجح فى الإمتحان
لو الزوج أو الزوجة حصل على
Competent English
هيضيفلك 5 نقاط
و لو حصل على
Competent English
و عمل
Skill Assessment
هيضيفلك 10 نقاط
ايه اسهل امتحان لغة انجليزية منهم ؟
اغلب الناس بتمتحن امتحان ال
PTE-Academic
الإمتحان زى ما قولنا 4 اجزاء ، و بتمتحن على الكمبيوتر (مافيش تقييم اشخاص ليك) ، الكمبيوتر هو اللى بيقيم
Speaking & Writing, Reading, Listening
كل جزء فيهم متقسم لمجموعة من الأسئلة زى الصورة دى ، و كل سؤال بيجى منه عدد مختلف
فى اسئلة بتدى درجات فى جزئين من الإمتحان ، و فى اسئلة ليها درجات أعلى زى اللى فى الصورة باللون الأحمر
بحجز الإمتحان ازاى؟
بتدخل على الموقع الرسمى mypte.pearsonpte.com و تعمل
Sign up
و تملى بياناتك زى الباسبور ، و لازم اسمك يكون زى الباسبور بالحرف
فى حضور الإمتحان لازم يكون معاك الباسبور
و بعد ما تعمل حساب على الموقع تقدر تحجز المعاد و المكان المناسب ليك ، فى مصر حاليا متاح فقط فى جامعة مصر للعلوم و التكنولوجيا فى 6 اكتوبر
الإمتحان متاح يوميا ماعدا ايام الأجازات الرسمية
تكلفة الإمتحان كام؟
التكلفة بتختلف حسب البلد اللى بتقدم منها تقريبا ، لكن التكلفة لمصر حاليا فى 2023 حوالى 170 دولار امريكى
نتيجة الإمتحان بتطلع امتى؟
النتيجة بتوصلك على الإيميل خلال 5 أيام عمل ، احيانا فى نفس اليوم بعد الإمتحان
طيب اقدر اذاكر للإمتحان دا ازاى؟
الموضوع كله نقدر نقسمة حاجتين
Techniques & Practice
Techniques
فى اسئلة كتير جدا فى الإمتحان ليها
Templates
تقدر تستخدمها
انا اخدت كورس من على يوديمى اتعلمت منه طريقة حل الأسئلة و ال
Templates
بتاعة الأسئلة و نفع معايا جدا
دى كانت نتيجة امتحانى من أول مرة ، طبعا دى كدا
Proficient
لأن جزء ال
Reading
اقل من 79 ، و اخدت 10 نقاط فى الهجرة
Practice
فى مواقع كتير جدا بتقدم خدمة انك تمارس أسئلة امتحان ال
PTE
فى بيئة مماثلة تماما للإمتحان ، بيستخدموا الأسئلة من الإمتحانات السابقة و بيصنفوا اللى اتكرر قبل كدا ، بيستخدموا نفس الأصوات أو اصوات مشابهة جدا للإمتحان ، و نفس فترات الإنتظار لكل سؤال و نفس صفارة بدء الإجابة ، و حاجات تانية هتتعلمها لما تعرف طرق حل الأسئلة من الكورس
بالإضافة ان المواقع دى بتضيف حاجة اسمها
Prediction file
للإمتحانات اللى جاية ، بيضيفوا فيها اكتر الأسئلة اللى بتتكرر و احتمالية تواجدها فى الإمتحانات اللى جاية عالية
المواقع دى فى منها مجانى و فى منها مدفوع لكن اشهرهم
أنا استخدمت الموقع الأول و كان مناسب جدا بالنسبالى ، متقسم بشكل بسيط و فى جزء
Prediction
للتدريب العملى
اتدرب فترة قد ايه؟
مافيش غيرك يقدر يجاوب على السؤال دا لأن دا بيختلف من شخص لشخص حسب كفائتك فى اللغة و نقاط قوتك و ضعفك فى ال 4 اجزاء
Speaking, Writing, Reading, Listening
انت بتتدرب على كل نوع من الأسئلة و بتشوف نقاط ضعفك ايه و بتتدرب اكتر عليها
بالنسبالى اتدربت تقريبا لمدة شهر قبل الإمتحان
فكدا باختصار اتعلمت ال
Techniques
طريقة حل كل سؤال و عرفت كل ال
Templates
اللى هتسهل عليك اسئلة كتير من الإمتحان
و اتدربت على الأسئلة على موقع مماثل للإمتحان
و ممكن كمان تعمل
Mock Test
على أى موقع من دول ، و دا بيكون امتحان كامل شبه الإمتحان الحقيقى
ماتستغربش لو درجاتك طلعت قليلة فى التدريب أو فى الإمتحان التجريبى دا ، ناس كتير درجاتها بتطلع قليلة لأن تقييم المواقع ممكن يكون مختلف عن الإمتحان ، غير اختلاف الميكروفون و جودته
هل الإمتحان ليه تاريخ صلاحية ؟
ايوا تاريخ صلاحيته سنتين من النتيجة ، و حاليا إدارة الهجرة الاسترالية بتقبله لمدة 3 سنين كمان مش سنتين بس ، لكن صلاحيته سنتين للتقديم على ال
AHPRA
و دى جهة تسجيلنا كصيادلة و هنتكلم عليها فى الجزء التاسع ان شاء الله
ملخص المقالة
اتكلمنا النهاردة عن ايه انواع امتحانات اللغة الإنجليزية المقبولة للهجرة إلى استراليا و ايه علاقة امتحان اللغة الإنجليزية بالنقاط ، و علاقة امتحان الزوج او الزوجة بالنقاط
و اتكلمنا عن اسهل امتحان فيهم من وجهة نظر اغلب الناس و هو امتحان ال
PTE
و عرفنا بنحجزه منين و تكلفته كام و نذاكر ازاى و تفاصيل تانية عنه
كدا بعد ما خلصنا امتحانين ال
KAPS & PTE
جه الوقت اللى نشوف فيه ازاى نقدم على الهجرة ، و دى فى المقالة اللى جاية
ياريت لو المقالة افادتكم تكتبولى تعليق تحت فى الصفحة دى
و بالتوفيق للجميع
د. آلاء نصر