تنبيه: نحن لا نقدم نصائح قانونية. الموقع و مرفقاته هى خلاصة خبرة شخصية لصيادلة خاضوا تجربة الهجرة بدون اللجوء الى محامى او مكاتب هجرة. جميع المواقع الرسمية لكل الخطوات ستكون متاحة ليمكنك مراجعتها فى أى وقت. لكن وجب التنبيه ، اذا وجدت أنك لا تستطيع أن تقوم بهذه الخطوات بنفسك ، برجاء الإستعانة بمحامى أو مكتب هجرة
بعد ما قرأت الأجزاء السابقة من سلسلة هجرة الصيادلة إلى استراليا ، و عرفت النقاط و تقييم المهنة المبدأى و امتحان ال
KAPS
و امتحان اللغة الإنجليزية (و اسهلهم زى ما قولنا امتحان ال
PTE )
الخطوة اللى بعدها انك تقدم على الهجرة
فى المقالة دى هكلمكم عن اول خطوة فى التقديم على الهجرة بشكل رسمى ، و هو انك بتقدم
EOI (Expression of Interest)
للولايات اللى طالبة مهنتك ( فى حالتنا طبعا اقصد الولايات اللى طالبة صيادلة)
هنتكلم عن ازاى نعرف الولايات طالبة صيادلة ولا لأ و ايه شروط كل ولاية ، ازاى نقدم EOI
و هل بنقدم لكل الولايات مع بعض ولا بنقدم
EOI
لكل ولاية ، ايه الفرق بين
EOI & ROI
و هنعرف خطوات تقديم ال
EOI
بالتفصيل و الصور ، و تفاصيل تانية
محتاج أكون محضر أوراق إيه قبل الخطوة دى؟
أهم حاجة تكون محضرها قبل الخطوة دى هى شهادة الخبرة ، أو شهادات الخبرة من الأماكن اللى اشتغلت فيها ، لأنك هتكتب تواريخ بداية و نهاية عملك فى كل مكان اشتغلت فيه فى ال
EOI
و بالتالى لازم التواريخ دى تكون صحيحة
و حاجة كمان فى منتهى الأهمية ، لو امتحنت مثلا امتحان لغة انجليزية قبل كدا و تاريخ انتهاء صلاحيته قرب ، امتحن تانى أفضل ، لأن من الخطوة دى لحد ترشيح من ولاية و تقديمك للفيزا ممكن ياخد شهور ، و لازم شهاداتك تفضل
Valid
طول الفترة دى
مش بتقدم أى اوراق فى الخطوة دى ، تحضير شهادات الخبرة علشان تكتب التواريخ صحيحة ، لكن طبعا هتحتاج الشهادات دى اثناء رفع اوراقك فى الفيزا فى خطوة قادمة
بعرف منين الولايات طالبة صيادلة ولا لأ؟
بتعرف الولايات طالبة مهن ايه (و من ضمنها الصيادلة طبعا) من المواقع الرسمية للولايات اللى اتكلمنا عليها فى أول جزء من السلسلة دى
كل ولاية بتنزل فى بداية السنة المالية فى شهر 7 أو 8 ليستة للوظايف اللى محتاجاها و شروط قبول كل وظيفة
بمعنى كل ولاية بتحط شروط زى عدد سنين الخبرة او تقييم اللغة الإنجليزية المطلوب لكل وظيفة ، و الشروط دى بتتغير من سنة للتانية
فمافيش حاجة اسمها "ايه الحد الأدنى لعدد سنين الخبرة" لأن دا شيئ متغير من سنة للتانية و من ولاية لولاية ، أحيانا فى ولايات بتطلب وظايف بدون خبرة
فدا موضوع لازم تتابعه من المواقع الرسمية للولايات
State | Official Website |
|---|---|
Victoria | |
South Australia (SA) | |
Western Australia (WA) | |
New South Wales (NSW) | |
Queensland (QLD) | |
Northern Territory | |
Tasmania | |
Canberra |
بقدم على الولايات ازاى ؟
نفترض لقيت 5 ولايات طالبين صيادلة و الشروط منطبقة عليك
أولا بتشوف فى طريقة التقديم على الولاية هل طالبين تقديم
EOI (Expression of Interest)
فقط ؟ ولا طالبين كمان
ROI (Registration of Interest)
ايه الفرق مابينهم؟
EOI Vs ROI
EOI
دا بتقدمه لكل ولاية على الموقع الرسمى لإدارة الهجرة الخاص بتقديم فيزة الهجرة للعمالة الماهرة ، و هنتكلم على طريقة التقديم بالتفصيل و الصور كمان شوية
ROI
فى ولايات بتطلبه و ولايات مش بتطلبه و دا بيكون تقديم على موقع الولاية نفسها ، مثال السنة دى فى 2022 فيكتوريا طلبت
ROI
مع ال
EOI
ملاحظة مهمة على التقديم على كانبرا
الطريقة بتكون مختلفة شوية ، طبعا بتقدم
EOI
لكن فيها طريقة تقييم على الموقع الرسمى مختلفة شوية اسمها
Matrix
تقدر تعرف اكتر عن الموضوع دا من الموقع الرسمى
و ملاحظة تانية مهمة ، كانبرا بتحتاج تقييم خبرتك كصيدلى من موقع
لكن باقى الولايات تقييم الخبرة فيها بيتم عن طريق ادارة الهجرة ، يعنى مع تقديم الأوراق للفيزا
خطوات التقديم على ال EOI
دلوقتى زى ما قولنا نفترض لقيت 5 ولايات طالبين صيادلة و الشروط منطبقة عليك و عرفت طريقة التقديم المطلوبة لكل ولاية من المواقع الرسمية
هتعمل
EOI
لكل ولاية بإيميل مختلف ، بمعنى لو هتقدم على 5 ولايات هتعمل 5 ايميلات
دلوقتى هنشرح بالتفصيل ازاى تعمل
EOI
هتدخل على الموقع الرسمى للتقديم
هتعلم فى المربع و تعمل
Next
الصفحة اللى بعدها بتملى بياناتك ، خد بالك
Family name آخر اسم فى الباسبور
Given names كل اسمك ماعدا اخر اسم
بتكتب تاريخ ميلادك و تختار بلدك ، و تختار اذا كنت مواطن فى بلد تانية
هل عندك باسبور تانى سارى و بلد اقامتك
متزوج ولا غير متزوج ، و هنا بيفتحلك اختيارات كتير
Married, Never Married, Engaged, Divorced, Widowed
بتختار الإختيارات المناسبة ليك و تعمل
Next
هيأكد عليك بياناتك مرة تانية ، هتختار
Yes, then Next
هتكتب باسورد مرتين و ايميلك مرتين
و تحتها اسئلة اختار اى حاجة منها و جاوبها ، و احتفظ بيها لأنها مهمة فى حالة لو نسيت الباسبورد ، اعمل
I'm not a robot, then Next
كدا تمام عملت
EOI
و اتبعتلك ايميل بالتفاصيل
رقم ال
EOI
مكتوب فى الصفحة دى و الايميل ، خدهم اكتبهم فى ملف عندك قسمه ل 4 حاجات
EOI number, Email, Password, State
لأن اللى بنعمله دا هنكرره لكل ولاية بإيميل مختلف ، فأهم حاجة التنظيم علشان ماتنساش بيانات ، هتعمل
Next
هتعلم فى المربع
I accept
و تكتب رقم ال
EOI
اللى كان فى الصفحة اللى فاتت و الباسورد و تعمل
Login
هتختار نوع الفيزا 190 أو 491 أو تختار الإتنين اذا كانت الولاية فاتحة النوعين للصيادلة ، و تعمل
Next
هتختار اذا كان فى حد من اسرتك هيكون معاك فى الهجرة ولا لأ (زوجة\زوج\اطفال) ، و تكتب عددهم ، لو مافيش حد معاك فى الهجرة هتختار
No, then Next
هنا هتختار ولاية واحدة من القائمة ، وبعدين تختار
Yes
فى السؤالين التانيين ، انك ممكن تقيم فى مكان ريجونال و برا العاصمة ، و تعمل
Next
هيسأل امتحنت لغة انجليزية ، هتختار
Yes
و تختار نوع الامتحان اللى امتحنته و تكتب تاريخه و رقمه و درجاتك ، و تعمل
Next
لو مش عارف رقم الإمتحان دا تعرفه منين ، اضغط على علامة الإستفهام هتلاقى معلومات تساعدك
الصفحة اللى بعدها عن التعليم ، هتوافق على أول سؤال و تضغط على
Add
هيطلعلك صفحة تختار منها
Bachelor Degree in Science, Business or Technology
و تكتب
Pharmacy
و تكتب جامعتك ، و تختار بلدك ، و تكتب تواريخ بداية و نهاية الدراسة ، وبعدين
Confirm
هتلاقيها اتكتبت كدا ، طبعا لو معاك ماجيستير او دكتوراه بتعمل
Add
تانى و تضيف البيانات
بالنسبة للسؤال التانى هل درست فى استراليا
السؤال التالت لو امتحنت
NAATI
و دا امتحان ترجمة و نجحت فيه
فالسؤالين دول اجابتهم لأغلب الناس
No, then Next
الصفحة اللى بعدها سؤال عن
Skill Assessment
اللى هو امتحان الكابس اللى اتكلمنا عليه
هتختار الوظيفة اللى مقدم عليها
Retail Pharmacist or Hospital Pharmacist
أغلب الناس بتختار
Retail Pharmacist
وبعدين بيسأل عملت تقييم ولا لأ ، هتقوله اه
و تختار جهة التقييم
Australian Pharmacy Council Ltd
و تكتب تاريخ الامتحان و رقمه
اللى اوله
CRN in Skill Assessment Letter
بتكتب الحروف و الأرقام اللى جنبها
و تعمل
Next
الصفحة اللى بعدها سؤال عن الشغل ، بنفس الطريقة اللى فاتت بتعمل
Add
هتطلع صفحة تكتب فيها بيانات شغلك
Pharmacist
بالنسبالى كنت شغالة فى وزارة الصحة فكتبت
Ministry of Health
و اختار البلد ، و اختار
Yes
ان الشغل دا ليه علاقة بالشغل اللى مقدم عليه فى الهجرة
و اكتب تاريخ بداية و نهاية الشغل ، و لو مازلت شغال سيب تاريخ النهاية فاضى و ال
EOI
بيفضل يزودلك الخبرة اوتوماتيك ، املى البيانات وبعدين
Confirm
هتلاقى الشغل اتكتب فى الصفحة بالشكل دا ، طبعا لو اشتغلت فى كذا مكان بتعمل
Add
و تكتب البيانات و بداية و نهاية كل شغل اشتغلته و لازم الدقة فى الموضوع دا
السؤال التانى فى الصفحة ، هل اشتغلت سنة فى استراليا ، اغلبنا لأ طبعا ، فتختار
No, then Next
هيطلعلك صفحة طويلة تراجع البيانات كلها اللى كتبتها فى الصفحات اللى فاتت ، هتتأكد من كل البيانات ، و تختار
Yes
على كل جزء وبعدين تعمل
Next
بعدها صفحة ال
Declarations
ان كل المعلومات مظبوطة ، هتقرأها و تعمل
Yes, then Next
هيطلعلك صفحة تانية طويلة لتأكيد كل البيانات
هتقرأها و تعمل
Yes, then Next
هيقولك النقاط اللى حصلت عليها لفيزا 190 و فيزا 491 ، او نوع واحد منهم لو مقدم على نوع واحد فقط ، و دا طبعا حسب تعليمات الولاية اللى مقدملها
Submit
كدا تمام ، على اليمين فوق هتلاقى
Submitted
اعمل
Next
دى كدا الصفحة الرئيسية بتاعة ال
EOI
لما تدخل برقمه و الباسورد هتلاقى الصفحة دى و لما يجيلك
Invitation
هيكون التعامل عليها
و ممكن تعمل
Update EOI
و تغير بيانات
أو
Withdraw or Suspend
و دا هقولك بتحتاجه فى ايه فى الخطوة اللى جاية
و خد بالك كمان ان ال
EOI
دا بيكون ليه تاريخ صلاحية سنتين من تاريخ عمله اللى بيكون مكتوب فوق دا
و ممكن تنزل كل البيانات اللى كاتبها فيه كملف بى دى اف من
View EOI
اعمل ايه بعد كدا ؟
بتعمل
EOI
بنفس الطريقة كدا لكل ولاية محتاجة صيادلة انت محقق شروطها ، و زى ماقولنا
كل
EOI
بإيميل مختلف
و طبعا بتعمل
ROI
للولايات اللى محتاجه
EOI & ROI
و دا بيكون على موقع الولاية الرسمى ، و بيختلف طبعا من ولاية للتانية
لكن عموما بيكون بيانات بسيطة فى الغالب اقل من بيانات ال
EOI
و السنة دى فى 2022 ، ولاية فيكتوريا طلبت
ROI
مع ال
EOI
و سألو عن 3 حاجات فقط ، رقم ال
EOI
هل انت
Onshore (inside Australia) or Offshore (Outside Australia)
هل عندك
Partner
بعد كدا تنتظر يجيلك
Pre-invitation
من ولاية من اللى قدمت عليهم
ملخص المقالة
اتكلمنا النهاردة عن طريقة التقديم على الولايات بالتفصيل ، ممكن تحضر باقى أوراقك لحد ما تجيلك
Pre-invitation
و دا هنتكلم عليه فى المقالة اللى جاية
ياريت لو المقالة افادتكم تكتبولى تعليق تحت فى الصفحة دى
و بالتوفيق للجميع
د. آلاء نصر