تنبيه: نحن لا نقدم نصائح قانونية. الموقع و مرفقاته هى خلاصة خبرة شخصية لصيادلة خاضوا تجربة الهجرة بدون اللجوء الى محامى او مكاتب هجرة. جميع المواقع الرسمية لكل الخطوات ستكون متاحة ليمكنك مراجعتها فى أى وقت. لكن وجب التنبيه ، اذا وجدت أنك لا تستطيع أن تقوم بهذه الخطوات بنفسك ، برجاء الإستعانة بمحامى أو مكتب هجرة
فى المقالة السابقة ، من ضمن الأوراق اللى قولنا نحضرها لخطوة الفيزا
Form 80 & Form 1221
و قولنا اننا هنناقش ازاى نملاهم فى مقالة منفصلة
فى المقالة دى هكلمكم عن ازاى نملى فورم 80 و فورم 1221 و فورم 1229 و معلومات مهمة عنهم
Form Types
Form 80 & Form 1221
دى عبارة عن ملفات
بتملاهم و تقدمهم لإدارة الهجرة أثناء رفع الأوراق للفيزا ، دول بتملى فيهم بيانات كتير جدا عن حياتك و شغلك هنتكلم عليهم بالتفصيل كمان شوية ، و تقدر تحملهم من هنا
Form 1229
دا بردو ملف
بس بتملاه فقط فى حالة ان عندك اطفال ، و تقدر تحمله من هنا
Forms Decryption
أول خطوة هتحتاج تعملها هى انك تشيل الحماية من على الملفات دى، ، هتلاقى لما تفتح أى ملف فيهم مكتوب كلمة
SECURED
فوق زى الصورة ، دى لو حاولت ترفعها أثناء رفع الأوراق للفيزا مش هتترفع و هتعمل
Error
هتلاقى لما تفتح اى ملف فيهم مابقاش فى كلمة
SECURED
كدا نقدر نملى الملفات و احنا متطمنين ان مش هيحصل مشكلة أثناء رفعه
دلوقتى هنناقش ازاى نملى كل ملف منهم بالتفصيل
Form 80
أول حاجة الفورم بيتملى على الكمبيوتر و الكلام كله فى الفورم بيتكتب
UPPERCASE
لازم اسمك باللغة الإنجليزية فى كل الأوراق يكون مطابق للباسبور ، و كذلك العنوان و أى معلومات متكررة فى كذا ورقة تكون كلها متطابقة
أول صفحة معلومات عنك ، اسمك و تاريخ الميلاد و مكان الولادة ، و باقى الإختيارات هتكون زى الصورة
Family name آخر اسم
All given names كل اسمك ماعدا آخر اسم
الصفحة التانية معلومات عن الباسبور على اليمين ، و على الشمال الإجابات هتكون زى الصورة لو ماعندكش جنسية تانية غير بلدك أو اقامة دايمة فى بلد تانية
الصفحة رقم 3 معلومات عن اى باسبور تانى عندك حتى لو منتهى ، بتكتب بياناته
و على اليمين تحت هتكتب بيانات البطاقة و شهادة الميلاد ، و الرقم بتاعهم هيكون زى بعض
و لو الإسم مختلف فى الباسبورين لازم ترفق
Clarification letter
و تقولهم سبب الإختلاف ، انه نفس اسمك بس اختلاف
Spelling
الصفحة رقم 4 هتكتب ايميلاتك و ارقام تليفوناتك (ممكن ارضى و موبايل)
و عناوينك من ساعة ما اتولدت ، و لو سافرت بلد تانية تكتب عناوينك فيها
و السؤال الأخير سافرت قبل كدا ولا لأ ، و دى تكتب فيها كل سفرياتك بالتفصيل و اسبابها و تواريخها ، و لو المكان دا ماكانش كافى بالنسبالك ، ممكن تكتب فى جزء ال
Additional Information
فى آخر الفورم ، و لو مش مكفى بردو ممكن تنظم معلومات السفر فى ملف
Excel
و ترفقه مع الأوراق
الصفحة رقم 5 معلومات عن شغلك ، اضغط على الصورة علشان تشوفها بحجمها الطبيعى ، فى الغالب كلنا كصيادلة هنكون متشابهين فى الجزء دا ، طبعا لو اشتغلت فى كذا مكان تكتب كل الأماكن بتفاصيلها
الصفحة رقم 6 معلومات عن الدراسة ، اضغط على الصورة علشان تشوفها بحجمها الطبيعى ، فى الغالب كلنا كصيادلة هنكون متشابهين بردو فى الجزء دا ، لو درست ماجيستير أو دكتوراه اكتبها
الصفحة رقم 7 عن اسباب الهجرة
الصفحة رقم 8 ، عندك عناوين فى استراليا؟
الصفحة رقم 9 ، انت فى استراليا حاليا أو روحت قبل كدا؟
الصفحة رقم 10 ، اقرأ الأسئلة ، أغلبنا هيكون كل الإجابات
No
الصفحة رقم 11 ، اسئلة عن الجيش و هل اترفضلك فيزا قبل كدا (مش بس من استراليا ، من أى بلد)
الصفحة رقم 12 ، بيانات الزوج او الزوجة و الأطفال ، اضغط على الصور علشان تفتح بحجمها الطبيعى
الصفحة رقم 13 ، لو فى اكتر من طفلين
الصفحة رقم 14 ، بيانات الأب و الأم ، لو حد متوفى بتكتب
DECEASED
الصفحة رقم 15 ، بيانات الأخوات
الصفحة رقم 16 ، حد من الأسرة مسافر معاك؟
الصفحة رقم 17 ، عندك حد تعرفه فى استراليا؟ تكتب بياناته
الصفحة رقم 18 ، هل فى
Sponsoring employer
ليك؟ أغلبنا طالعين هجرة مش عقد عمل ، يبقى الإجابة لأ
الصفحة رقم 19 ، لو فى معلومات زيادة ماكانش ليها مكان فى الفورم ، ممكن تكتبها هنا
بعد ما تخلص الفورم ، خد منه نسخة علشان لو حبيت تعدل عليه فى أى وقت
و ارجع للصفحة اللى فاتت ، اكتب التاريخ و امضيها ، أنا مضيتها يوم رفع الأوراق للفيزا علشان يكون تاريخ الإمضاء جديد
امضى على الفورم ازاى ؟
دا سؤال ناس كتير جدا بيسألوه
أول طريقة
لو عندك
Adobe Acrobat
الأول تكتب التاريخ ، لأن بمجرد ما تمضى مش هتقدر تعدل على أى حاجة فى الملف
تانى حاجة اضغط على شكل القلم اللى مشاورة عليه فى الصورة
بعدها تضغط على
Sign Yourselfa
و تختار
Add Signature
ممكن تختار انك تكتب الإمضاء بال
Keyboard
أو تكون ماضى بإيدك على ورقة و مصورها و ترفعها من
Image
و بعدين تسحبها و تحطها فى المربع بتاع الإمضاء
ثانى طريقة
ادخل على الموقع دا
و اضغط على
Select PDF file
و اختار الملف من على الكمبيوتر
بعدها اختار
Only me
بعدها اكتب اسمك و اختار نوع الخط ، أنا هكتب
Test Signature
انزل فى الملف للصفحة اللى فيها التوقيع و طبعا زى ماقولنا تكون مكمل الملف كله (و يكون عندك منه نسخة زيادة علشان لو حبيت تغير حاجة ) و تختار التاريخ ، و تسحب التوقيع من على اليمين للمربع بتاع التوقيع
زى الصورة دى ، و بعدها تضغط على
Sign
بعدها تقدر تنزل الملف من هنا
هتلاقى التوقيع بقى موجود فى الملف و مابقاش متاح التعديل على أى بيانات مكتوبة
ثالث طريقة
لو معاك موبايل
Note
من سامسونج (اللى معاه قلم) ، تقدر تفتح الملف و توقع بالقلم
و طبعا فى طرق تانية كتير بس دى أبسط طرق
Form 1221
أول حاجة الفورم -زى فورم 80- بيتملى على الكمبيوتر و الكلام كله فى الفورم بيتكتب
UPPERCASE
هتلاقى الأسئلة فيه مكررة من فورم 80 ، خد الإجابات
Copy Paste
من فورم 80 علشان كل المعلومات لازم تكون متطابقة فى كل الأوراق زى ما قولنا قبل كدا
خلينا نشوف شكل الصفحات و الأسئلة
الصفحة الأولى
الصفحة الثانية
الصفحة رقم 3
الصفحة رقم 4
الصفحة رقم 5
الصفحة رقم 6
الصفحة رقم 7
الصفحة رقم 8
الصفحة رقم 9
الصفحة رقم 10
اظن ملاحظين ان الاسئلة مكررة من فورم 80 و بسهولة تقدر تملى فورم 1221
و طبعا التوقيع بنفس الطريقة اللى قولناها فوق
Form 1229
دا بتملاه فى حالة لو عندك أطفال ، و هو بسيط جدا ، خلينا نشوف
الصفحة الأولى
Transaction Reference Number
دا هتلاقيه فى ال
Immiaccount
بتاعك ، لو مش عارف دا ايه شوف مقالة ال
تانى صفحة هتلاقيها فاضية
الصفحة رقم 3 ، هتكتب الرقم اللى كتبته فى أول صفحة تانى
و هتكتب بيانات كل طفل
الصفحة رقم 4 ، هتكتب بيانات الأب و الأم
و كل واحد هيوقع تحت بياناته ، بنفس الطريقة اللى قولناها من شوية
ملخص المقالة
المقالة دا تكملة لمقالة الأوراق المطلوبة للفيزا ، لكن كان لازم تكون مستقلة لأنها طويلة جدا
اتكلمنا على
Form 80, Form 1221, Form 1229
و ازاى نملى البيانات و ازاى نمضيهم
فى المقالة اللى جاية بإذن الله هيكون كلامنا عن ال
Nomination & Visa Lodge
و هنتكلم بالتفصيل و بالصور عن خطوات التقديم و تكاليف الفيزا و معلومات تانية مهمة
ياريت لو المقالة افادتكم تكتبولى تعليق تحت فى الصفحة دى
و بالتوفيق للجميع
د. آلاء نصر
