تنبيه: نحن لا نقدم نصائح قانونية. الموقع و مرفقاته هى خلاصة خبرة شخصية لصيادلة خاضوا تجربة الهجرة بدون اللجوء الى محامى او مكاتب هجرة. جميع المواقع الرسمية لكل الخطوات ستكون متاحة ليمكنك مراجعتها فى أى وقت. لكن وجب التنبيه ، اذا وجدت أنك لا تستطيع أن تقوم بهذه الخطوات بنفسك ، برجاء الإستعانة بمحامى أو مكتب هجرة
بعد ما قرأت الأجزاء السابقة من سلسلة هجرة الصيادلة إلى استراليا ، و فى الجزء السابق عرفت طريقة التقديم على الفيزا بعد استلام دعوة من إدارة الهجرة ، و عرفت تكلفة الفيزا
فى المقالة دى هكلمكم عن الحاجات اللى محتاج تعملها بعد دفع تكاليف الفيزا
ايه اللى بيحصل لما بدفع تكاليف الفيزا؟
خلاص رفعت الورق و دفعت تكاليف الفيزا ، بيجيلك ايميلات انك تعمل كشف طبى (دا سواء فيزا 190 أو فيزا 491) ، و انك تعمل
Biometric
دا فى حالة فيزا 491 (حاليا فيزا 190 بتعمل كشف طبى فقط)
و ممكن مايتبعتلكش ايميلات ، فى الحالة دى بتدخل على ال
Immiaccount
هتلاقى كلمه تحت على الشمال (زى الصورة)
Arrange Health Examination
و عموما أى حاجة مطلوبة منك هتلاقيها مكتوبة فى ال
Immiaccount
أولا: طريقة حجز الكشف الطبى
مبدأيا انت لو مهاجر معاك زوجة و اطفال ، الكشف الطبى بيتعمل لكل أفراد الأسرة
زى ماقولت يا اما هيتبعتلك ايميل يا اما تدخل على الاكونت بتاعك من هنا و تضغط على
Arrange Health Examination
هيفتحلك صفحة
Declaration
تقرأها كويس جدا و تختار الإختيارات الصح بالنسبالك ، بعدها تعمل
Submit
هتلاقى بياناتك ، ضيف ايميلك بإنك تختار
Yes
و تضغط على علامة الزائد الخضرا على اليمين
هيفتح صفحة صغيرة تكتب ايميلك مرتين و تعمل
Save
هتلاقى ايميلك اتكتب ، هتعمل
Save and Print Referral Letter
هيفتحلك
فيه بياناتك و فيه حاجة اسمها
HAP ID
دا تطبعه لأن بتروح بيه الكشف الطبى
و طبعا لو معاك اسرة بيبقى فى
Letter
زى دا لكل أفراد الأسرة
فين مكان الكشف الطبى؟
هتلاقى لينك فيه اماكن الكشف الطبى المتاحة
لو انت فى مصر ، الكشف الطبى بيكون فى مكان اسمه
IOM
بتتصل بالمستشفى تحجز معاد
رقمهم 01093384137
إيه الأوراق المطلوبة للكشف الطبى؟
بعد الحجز بيبعتولك ايميل بتأكيد الحجز و الأوراق المطلوبة للكشف الطبى و التكلفة و مكان المستشفى على
Google Map
و كل التفاصيل
أهم الأوراق المطلوبة: الباسبور (و لو معاك اسرة ، باسبورات كل افراد الأسرة)
HAP ID letter
كل روشتاتك لو فى امراض مزمنة
شهادة تطعيم الكورونا (حاليا فى 2022 ، ممكن ماتتطلبش بعد كدا)
ملحوظة مهمة: السيدات ماتحجزش الكشف الطبى فى وقت الدورة الشهرية
عموما راجع كل الأوراق المطلوبة فى الإيميل
تكلفة الكشف الطبى كام؟
دى كانت التكلفة اللى اتبعتتلى فى الإيميل فى 2022 ، و بتدفع التكاليف فى المستشفى كاش أو فيزا ، بالدولار أو بالجنيه المصرى
الكشف الطبى شامل ايه؟
تحاليل دم و بول ، و فيروسات
Chest X-ray
و كشف عادى ضغط و نظر و بيقيس الطول و الوزن و حاجات بسيطة
و كشف تانى بالسماعة
ايه اللى بيحصل بعد الكشف الطبى؟
هتلاقى فى ال
Immiaccount
بقى مكتوب
Examinations in Progress
بعدها فى خلال اسبوع بيتكتب ان الكشف وصلهم و هيقولولك
No Action Required
ثانيا: طريقة حجز البايومترك
البايومترك (او البصمة) حاليا مش مطلوبة من فيزا 190 ، لكن مطلوبة من فيزا 491
و بردو لو معاك اسرة بتتعمل لكل افراد الاسرة
و بتتحجز اونلاين من الموقع الرسمى
بتختار انت منين و هتسافر فين و تضغط على
Take Me To The Website
تختار
Book Now
بعدها
Book Now
لو أول مرة ، تعمل
I don't have an account
تكتب ايميلك و الباسورد مرتين و تعمل
Register
هيتبعتلك ايميل علشان تفعل حسابك ، تفتحه و تضغط على اللينك
تفتحه و تضغط على اللينك ، هيفعل الحساب ، اكتب الايميل و الباسورد و اعمل
Sign In
تضغط على
Start New Booking
هتلاقى الإختيارات قدامك ، الإختيار التالت
Biometric Submission Only
الصفحة اللى بعدها هتملى بياناتك زى الباسبور ، بالنسبة لل
VLN Number
دا المفروض اتبعتلك فى ايميل حجز البايومترك
و الصفحة اللى بعدها هتحجز المعاد
و بعد ما تخلص الأبليكيشن هيجيلك ايميل بالتأكيد و التفاصيل
تكلفة البايومترك كام؟
التكلفة حاليا فى 2022 حوالى 575 جنيه مصرى للفرد ، و طبعا لو معاك اسرتك بتدفع المبلغ دا لكل فرد من افراد الأسرة
بتيجى الجرانت فى فترة قد ايه؟
بعد كل الخطوات دى ، كدا ألف مبروك انت خلصت كل المطلوب منك بالنسبة للفيزا ، المطلوب منك تنتظر حاجة من اتنين ، يا إما موافقة مباشرة للفيزا
Direct Grant
يا إما ال
Case Officer
اللى ماسك ورقك هيحتاج ورق زيادة أو توضيح لحاجة ، فهيبعتلك إيميل بطلبه و انت ترد عليه ، و بإذن الله يجيلك الجرانت بعد كدا
بالنسبة للوقت اللى بتيجى فيه الجرانت (التأشيرة) مافيش فترة محددة ، بتختلف من شخص لشخص ، فى ناس بتجيلها فى اسبوعين و ناس بتجيلها فى شهور ، لكن دا شيئ طبيعى جدا مافيش منه أى قلق
بيوصلك ايميلين ، ايميل ان ال
EOI
بتاعك اتمسح
و ايميل فيه الجرانت فى
و بيكون شكله زى الصورة ، طبعا لازم تدخل استراليا قبل معاد ال
First entry
اللى مكتوب فى الجرانت
ملخص المقالة
اتكلمنا النهاردة عن الحاجات اللى بتتعمل بعد دفع تكاليف الفيزا ، الكشف الطبى و البايومترك
فى المقالة اللى جاية بإذن الله هيكون كلامنا عن ايه اللى محتاج تعمله علشان تبدأ ال
Internship
فى استراليا ، و دى خطوة بتعملها و انت فى بلدك و الأفضل بعد الجرانت ، هنتكلم عن كل التفاصيل زى ما اتعودنا
ياريت لو المقالة افادتكم تكتبولى تعليق تحت فى الصفحة دى
و بالتوفيق للجميع
د. آلاء نصر
