تنبيه: نحن لا نقدم نصائح قانونية. الموقع و مرفقاته هى خلاصة خبرة شخصية لصيادلة خاضوا تجربة الهجرة بدون اللجوء الى محامى او مكاتب هجرة. جميع المواقع الرسمية لكل الخطوات ستكون متاحة ليمكنك مراجعتها فى أى وقت. لكن وجب التنبيه ، اذا وجدت أنك لا تستطيع أن تقوم بهذه الخطوات بنفسك ، برجاء الإستعانة بمحامى أو مكتب هجرة
بعد ما قرأت الأجزاء السابقة من سلسلة هجرة الصيادلة إلى استراليا ، و فى الجزء السابق عرفت ايه اللى المفروض يحصل لما يجيلك دعوة أولية من ولاية ، و عرفت الأوراق المطلوبة لإثبات النقاط لمرحلة ال
Nomination & Visa Lodge
كدا هتكون فى انتظار دعوة من إدارة الهجرة علشان تقدم على الفيزا و تدفع تكاليفها
فى المقالة دى هكلمكم عن ايه المطلوب لما تجيلك دعوة من إدارة الهجرة و ازاى بتقبل الدعوة و تملى الأبليكيشن ، و خطوات رفع الأوراق للتقديم على الفيزا ، و تكاليف الفيزا (سواء لفرد واحد أو أسرة) ، و تفاصيل تانية
ايه اللى بيحصل لما بتيجى دعوة من إدارة الهجرة؟
طبعا فى المرحلة دى خلاص جتلك دعوة أولية
Pre-invitation
من ولاية ، و قبلت الدعوة و مليت الأبليكيشن و رفعتلهم الورق اللى طالبينه ، و فى انتظار موافقة الولاية و الدعوة من إدارة الهجرة
طيب انتظر رد الولاية خلال وقت قد ايه؟
لأ للأسف دا مالوش وقت معين و بيختلف من ولاية لولاية ، فى ناس ممكن الولاية تبعتلهم انهم اتقبلوا فى نفس اليوم ، و فى ناس ممكن بعد اسبوعين أو شهر أو كذا شهر ، و دا مالوش سبب معين فمافيش داعى للقلق
بيجيلك ايميل بموافقة الولاية لترشيحك و فى نفس اللحظة ايميل من إدارة الهجرة انك تعمل
Lodge
للفيزا ، ايه اللى بيحصل بعدها؟
Visa Lodge Step by Step
دلوقتى انت المفروض محضر ورقك اللى اتكلمنا عليه باستفاضة فى الجزء اللى فات (و الفورم اللى اتكلمنا عليهم بالتفصيل فى بوست منفصل)
لاحظ ان الفيش تاريخ صلاحيته 3 شهور (فى مصر) فلو تحب تأجله لحد ما تجيلك الدعوة من إدارة الهجرة علشان ماتنتهيش صلاحيته
و ممكن كمان تأجل التوقيع على فورم 80 و 1221 و 1229 لوقت اللودج علشان يكون تاريخ التوقيع جديد
لازم تعمل لودج للفيزا و تدفع التكاليف خلال 60 يوم من دعوة إدارة الهجرة
ملاحظة مهمة: لما بتجيلك فيزا و تعمل لودج ، النقاط فى ال
EOI
بتتجمد ، يعنى على سبيل المثال لو عملت لودج و عمرك 32 فأنت كدا معاك 30 نقطة للعمر ، طيب نفرض عمرك وصل 33 و عملت لودج لكن لسة ماجاش الجرانت ، فى الحالة دى عادى جدا مش هتنقص ال 5 نقاط الخاصة بالعمر
لكن طول ماجالكش دعوة و ماعملتش لودج ، نقاط ال
EOI
بتتغير بتغير العمر ، وكذلك لو سنين الخبرة بتزيد ، النقاط بتتغير ، اقرأ اكتر عن موضوع النقاط
اضغط على أى صورة علشان تشوفها بحجمها الطبيعى لو مش واضحة
الخطوة الأولى: افتح حساب
هتدخل على ال
EOI
اللى جتلك عليه الدعوة من الموقع الرسمى من هنا
و تضغط على
Apply Visa
هيدخلك على موقع ، تضغط على
Create ImmiAccount
هتختار
Individual
لأنك بتعمله لنفسك ، و طبعا عارفين من كل الخطوات اللى فاتت
Family name آخر اسم فى الباسبور
Given names كل اسمك ماعدا آخر اسم
و تكتب نفس الإيميل زى اللى عامل بيه ال
EOI , then Continue
هتكتب الباسورد زى التعليمات ، و تجاوب 3 اسئلة مهمة فى حالة لو نسيت الباسورد ، و تعمل
Accept, I'm not a robot, then Submit
الخطوة الثانية: املى البيانات
خطوة مهمة جدا: ارجع تانى لل
EOI
و اضغط على
Apply Visa
تانى ، علشان يدخلك على ابليكيشن نوع الفيزا اللى جيالك على طول
هتعمل
Accept then next
هتلاقى أغلب البيانات اتكلمنا عليها قبل كدا فى فورم 80 ، فبالتالى مش هتكلم على كل حاجة بالتفصيل فى الجزء دا ، ياريت تاخد البيانات
Copy Paste
من فورم 80 علشان تكون متطابقة
عدد صفحات الأبليكيشن مكتوب فوق
صفحة رقم 2 ، تأكيد بياناتك و نقاطك
صفحة رقم 3 ، اسئلة عن جنسيتك ، هتملى بيانات الباسبور و البطاقة و شهادة الميلاد
صفحة رقم 4 ، تأكيد على بيانات الباسبور
صفحة رقم 6 ، هيسافر معاك اسرتك؟ فى حالة انك متزوج بتختار
Yes
و تملى بيانات افراد اسرتك المطلوبة ليهم
صفحة رقم 8 ، بيانات عن بلدك و عنوانك و رقم تليفونك و ايميلك و الولاية اللى هتروحها
صفحة رقم 9 ، هتكتب ايميلك
صفحة رقم 11 ، هل فى حد من أفراد اسرتك (زوج - زوجة - اطفال) مش هيهاجر معاك؟
صفحة رقم 12 ، العناوين اللى عشت فيها قبل كدا (كنا عملناهم فى فورم 80 ، انقلهم بالظبط)
صفحة رقم 13 ، هل سافرت قبل كدا (بردو سؤال من فوم 80)
صفحة رقم 15 ، بيانات ال
Skill Assessment
صفحة رقم 16 ، بيانات الدراسة
صفحة رقم 17 ، بيانات الشغل
صفحة رقم 18 ، بيانات عن اللغة و امتحان اللغة الإنجليزية
صفحة رقم 19 ، صفحة
Declarations
صفحة رقم 20 ، صفحة تانية
Declarations
بعدها صفحة طويلة جدا فيها كل البيانات اللى كتبتها فى الصفحات اللى فاتت ، تراجع عليها كويس و تعمل
Next
الخطوة الثالثة: ارفع الأوراق
اتكلمنا فى المقالة السابقة عن الأوراق بالتفصيل ، هتلاقى هنا مقسملك البنود اللى المفروض تثبت نقاطك فيها ، خد بالك ان الفايل الواحد اللى هترفعه مايكونش اكتر من 10 ميجا
هتفتح بند بند منهم و تختار الملف اللى هترفعه و نوعه من الإختيارات المتاحة
ملحوظة: اثبات انك غير متزوج (علشان ال 10 نقاط) بيكون فى البطاقة ، بترفعها فى جزء اثبات العمر و بتكتب فى ال
Description
انها اثبات انك غير متزوج
بعد رفع كل الأوراق بتعمل
Submit
الخطوة الرابعة: دفع تكاليف الفيزا
بتفتح الصفحة دى ، لو عملت
Submit Now
هتدخلك على صفحة الدفع ، أو لو ناوى تدفع فى وقت تانى ممكن تضغط على
Go to my account
هتلاقى الفيزا هنا ، تقدر تعمل
Edit
و ممكن تعمل
Submit
و تتدفع التكاليف
بعد الدفع الشكل بيبقى كدا ، مكتوب على اليمين
Date Submitted
و
Received
تحت اسمك ، و مكتوب
Arrange Health Examination
كام تكلفة الفيزا؟
دلوقتى فى 2023 تكاليف الفيزا -سواء فيزا 491 أو فيزا 190- 4240 دولار استرالى ، و المبلغ دا بيزيد من سنة لسنة
كل المعلومات عن
طبعا لو معاك اسرة بيكون فى تكاليف فيزا لكل فرد ، زى الصورة دى
بعمل ايه بعد دفع تكاليف الفيزا؟
أول حاجة بتدخل على ال
immiaccount
بتاعك ، و تضغط على
View Details
اللى على الشمال ، من الصفحة اللى هتفتح تضغط على الشمال على
View attachments
احيانا بيكون مكتوب تحت الملفات اللى انت رافعها هنا جملة
I confirm I have provided information as requested
لو لقيتها لازم تضغط عليها ، لو مالقتهاش عادى مافيش مشكلة
تانى حاجة عايزة ااكد عليها هى ال
Status
بتاعة الفيزا ، هتلاقى مكتوب
Received
فى ناس بتتغير عندهم ل
Received then Initial Assessment, then Further Assessment then Finalised
و فى ناس مش بتتغير ، فبتبقى بشكل مباشر
From Received to Finalised
فالموضوع دا مايقلقش خالص مافيش مشكلة
بعد كدا بتعمل كشف طبى لأى نوع فيزا
و لو على فيزا 491 ، بتعمل حاجة كمان اسمها
Biometric
و دول هنتكلم عليهم فى الجزء اللى جاى
و بعد ما بتعملهم بتستنى يجيلك موافقة على الفيزا (التأشيرة) ، او اسمها ال
Grant
و طبعا لو فى أى أوراق زيادة هم محتاجينها بيبعتولك ايميل يطلبوها منك و بترفعها
ليه الفيزا ممكن تترفض؟
الفيزا ممكن تترفض لو ماقدرتش تثبت النقاط اللى كاتبها فى ال
EOI
و لو لا قدر الله فى حالة صحية هم بيرفضوها ، لكن الأمراض المزمنة عادية الناس بتتقبل بأمراض مزمنة عادى
ملخص المقالة
اتكلمنا النهاردة عن الدعوة من إدارة الهجرة علشان تقدم على الفيزا و تدفع التكاليف ، و اتكلمنا بالتفصيل عن ازاى تفتح حساب و تملى الأبليكيشن و ترفع الورق ، و كام تكاليف الفيزا
فى المقالة اللى جاية بإذن الله هيكون كلامنا عن ايه اللى محتاج تعمله بعد ما تدفع تكاليف الفيزا
ياريت لو المقالة افادتكم تكتبولى تعليق تحت فى الصفحة دى
و بالتوفيق للجميع
د. آلاء نصر
